Возачот на тимот на „Априлија Рејсинг“, Шпанецот Алеш Еспаргаро, победи на денешната трка од Мото ГП шампионатот за Големата награда на Каталонија, која се одржа на патеката во Барселона.

Еспаргаро постигна време од 38:56,1590 минути. Второто место го освои неговиот тимски колега и сонародник Маверик Вињалес, кој заостана 0,377 секунди зад победникот. Трет беше уште еден Шпанец, Хорхе Мартин од тимот на „Прима Прамак Рејсинг“. Заостануваше 2.831 секунди зад Еспаргаро.

На четири круга пред крајот, Еспаргаро го престигна тогаш водечкиот Вињалес и ја оствари третата победа во „кралската класа“ во кариерата.

Трката на самиот почеток ја одбележаа инциденти. Петмина возачи паднаа во првиот свиок. Енеа Батианини налета на Жоан Зарко, а потоа паднаа Алекс Марекс, Фабио Ди Џанантонио и Марко Бецеки.

Moto GP, grave incidente per il pilota italiano Francesco #Bagnaia durante il GP di Catalogna: il campione del mondo in carica portato d'urgenza in ospedale. Ѐ cosciente pic.twitter.com/fkCVDU9RJv

— Ultimora.net – BREAKING NEWS (@ultimoranet) September 3, 2023

Само неколку секунди подоцна, во вториот свиок, актуелниот италијански светски шампион Франческо Бањаја ја загуби контролата и падна на патеката, а потоа Бред Бајндер од тимот на КТМ му ги прегази нозете.

Трката веднаш беше прекината, а Бањаја и Бастијанини се префрлени во медицинскиот центар. Бањаја потоа бил пренесен во локална болница, а шпанските медиуми јавуваат дека двајцата возачи се во свесна состојба.

Редарите брзо ја расчистија патеката, а трката продолжи по повеќе од 20 минути. Првото место во генералниот пласман на возачи го држи Бањаја со 260 бодови. Следната трка во Мото ГП шампионатот ќе се вози на 10 септември на патеката Мисано за Големата награда на Сан Марино.

Еспаргаро најрбз на спринтот во Барселона