Ким Кардашијан повторно ја потресе јавноста со својот најнов производ „корсет за лице“ (Skims Facial Firming Device). Додатокот од 62 евра, кој е дизајниран да ја дефинира линијата на вашата вилица и да ги затегне образите додека спиете, се распродаде за неколку минути од лансирањето и покрај мешаните критики.

 

View this post on Instagram

 

A post shared by Anthony Hopkins (@anthonyhopkins)

Исмејувањето на производот отиде дотаму што многумина го споредија со маската на Ханибал Лектор, ликот што го прослави Ентони Хопкинс. А потоа и самиот актер се приклучи во приказната. Ѕвездата на „Кога јагнињата ќе стивнат“, сподели видео на Инстаграм во четвртокот во кое го испробува корсетот за лице.

Во видеото, Хопкинс носел маска за лице во боја на глина, која ја прицврстил околу брадата, вратот и ушите. Неговиот изглед веднаш го потсетил на озлогласениот Ханибал Лектор, кој во филмот морал да носи маска во боја на кожа за да не ги гризе другите додека бил во затвор.

Хопкинс го употреби својот препознатлив морничав глас и манири на Лектор, шегувајќи се дека се чувствувал „10 години помлад“ откако го користел корсетот. Тој ја прошири својата хумористична поддршка за производот во описот, пишувајќи: „Ти благодарам, Ким. Не плаши се да дојдеш на вечера“.

Како што истакнува „Пипл“, поканата за вечера е исто така референца на иконскиот трилер од 1991 година, во кој Лектор ѝ кажува на студентката на Академијата на ФБИ, Кларис М. Старлинг – лик кој ѝ го донесе Оскарот на Џоди Фостер за најдобра актерка во 1992 година.

Обожавателите беа воодушевени од потегот на Хопкинс во коментарите. „Ова е најдобрата реклама што можеше да ја добиеш @kimkardashian! хаха. Мора да одговориш. Ова е толку епско!“, напиша еден корисник. Друг се прашуваше дали Хопкинс навистина ќе ги оживее канибалистичките тенденции на својот лик: „Ќе ја поканиш Ким на вечера???“

Неговото видео го сподели самата Ким.

ФОТО | Ким Кардашијан лансираше „корсет за лице“, па наиде на бурни реакции: „Дали сега и ова ќе го нормализираме?“