Починатиот лекар Трајче Нешковски доби постхумно плакета „Св. Наум Охридски“ која ја доделува Лекарската комора. Д-р Сузана Арбутина од Клиниката за пулмологија и алергологија по повод одбележувањето на годишнината од формирањето на Лекарската комора даде осврт кон тоа кој беше Трајче Нешковски како лекар, пријател, човек

Наместо говор, д-р Арбутина подготви видео за д-р Нешковски со кое преку фотографии, смс пораки и лични доживувања ги потсети оние кои го познаваа колку голем човек беше тој, а на останатите им овозможи да го запознаат.

Во годината од еден до друг роденден, направивме многу, искрено се трудевме да одговориме на поставените цели и задачи но, сепак, најголемиот товар на кризата го понесоа нашите членови, докторите од сите нивоа на здравствениот систем кои во услови на пандемија професионално, посветено и пожртвувано се грижеа за здравјето на граѓаните, истакна вчера претседателот на Лекарска комора на Македонија проф. д-р Калина Гривчева Старделова на свечениот настан по повод одбележување на 29 години од основањето на Комората.