Уште едно трогателно оддавање почит кон починатиот португалски фудбалер Диого Жота се одржа пред пријателскиот натпревар на Ливерпул против Јокохама маринос во Јапонија, кој „црвените“ го добија со 3:1 на стадионот „Нисан“.

Стадионот во Јокохама светеше во црвено-бело, светлата речиси се изгаснаа, а 72.000 навивачи, кои ги исполнија трибините до врв, ја осветлија ноќта со своите телефони.

Глетката беше исклучително емотивна за клубот, кој сè уште тагува по загубата на португалскиот напаѓач.

Легендата на клубот, Иан Раш, исто така учествуваше во доделувањето на почестите. Тој стапна на теренот, во позадина на илјадници светла од трибините, за да положи венец од цвеќе на зелениот терен.

Стотици навивачи, исто така, му оддадоа почит на Жота на трибините, многу од нив носејќи специјално изработени знаци. На еден од нив пишуваше: „Диого, засекогаш 20“.

Други ги држеа неговите дресови, а на задната страна од една од нив светеше натписот „You’ll Never Walk Alone“ или „Никогаш нема да одиш сам, Диого Жота“.

Диого Жота и неговиот брат Андре загинаа во сообраќајна несреќа во Шпанија пред околу еден месец. Нивната смрт го потресе Ливерпул и целиот спортски свет, а оддавањето почит во Јапонија е уште еден израз на огромна човечка тага.

Over 70,000+ fans sings the Diogo Jota chant during Liverpool pre-season friendly game in Japan. #LFC

Gone but not Forgotten ❤️

(📽@LewisSteele_)pic.twitter.com/zzPfz2SXAT

— 𝐖𝐢𝐝𝐞𝐒𝐜𝐨𝐫𝐞𝐬⚽️ (@widescores_com) July 30, 2025

Liverpool paid tribute to Diogo Jota before their friendly against Yokohama F. Marinos in Japan today. ❤️

Ian Rush laid a wreath on the pitch before the start of the game and the whole stadium came together to applaud Jota on the 20th minute 🫶 pic.twitter.com/q73FCiQYEt

— Match of the Day (@BBCMOTD) July 30, 2025