Полицијата во Лос Анџелес истражува наводна експлозија што се случила во Центарот за обука на шерифи во Монтереј Парк, при што според првичните информации загинале најмалку тројца, јавуваат американските медиуми.

Инцидентот се случил рано утрово, непосредно пред 7:30 часот по локално време, во полицискиот комплекс каде што, според телевизијата Еј-Би-Си 7, се сместени и специјалните полициски единици, како и одредот за деактивирање експлозивни направи.

Интервенирала и Противпожарната служба на округот Лос Анџелес.