Силна експлозија предизвикана од истекување на гас се случи денеска во бар во населбата Пуенте де Ваљекас во Мадрид, при што се повредени најмалку 25 лица, од кои тројца се во тешка состојба.

Експлозијата се случи на улицата Мануел Марото и ги погоди и станбената зграда над продавницата и барот „Мис Тесорос“ што се наоѓа веднаш до неа. Противпожарната служба и амбулантни возила брзо се упатија кон местото на настанот за да ги пренесат повредените во болниците.

Полицијата го блокираше местото и го насочува сообраќајот, додека пожарникарите продолжуваат да ги отстрануваат остатоците и да го пребаруваат местото на настанот.