ВИДЕО | Едноставен тест со кој за неколку секунди ќе откриете дали сте дехидрирани
Сите знаеме дека според препораките за одржување на телото хидрирано треба да пиете шест до осум чаши вода дневно. Но, постои и едноставен тест со кој за само неколку секунди можете да дознаете дали сте испиле доволно вода, а можете сами да го направите. Особено е погоден за проверка кај малите бебиња или кај постарите лица.
Препорачано
Ако не внесувате доволно течности во организмот, јасно е дека ќе дехидрирате. Освен со вода, хидратацијата може да се одржува и со некои други течности, како и со некоја храна. Покрај водата, најдобри се млекото со малку маснотии и чаевите без шеќер.
На трудниците им треба повеќе вода, исто така повеќе вода е потребна по напорни вежби, кога е екстремно топло, кога сме болни и во сите други ситуации кога засилено се потиме.
Здравствениот експерт д-р Миро Фигура со своите повеќе од 800.000 следбеници на ТикТок сподели видео со едноставен трик што можете да го користите за да проверите дали внесувате доволно течности.
@doctormyro Are you dehydrated right now? #hydration #dehydrated #health #funfact
♬ original sound – Dr. Myro Figura, MD – Dr. Myro Figura, MD
Овој тест е познат и како Тургоров тест и е брз, едноставен и безболен. Фигура вели дека го користат и во болниците.
Доктор Фигура објаснува дека кожата губи дел од еластичноста кога сте дехидрирани, па нежното штипење на кожата и набљудување дали таа веднаш ќе се врати во почетната положба или останува во воздух некое време е добар показател за нивото на течност во вашето тело.
„Кога сте дехидрирани, се намалува еластичноста на кожата. Ако сте дехидрирани, кожата ќе остане нагоре“, објаснува тој.
Тој истакна дека видеото во кое објаснува, всушност не ја покажува најдобро постапката, бидејќи тестот треба да се направи на надлактицата, а не на прстот како на видеото.
Ако тестот покаже дека сте дехидрирани, што треба да направите?
– Наполнете го шишето и пијте многу вода – вели доктор Фигура.
Знаци кои можат да откријат дехидрација:
– Чувство на жед
– Темно жолта урина со силен мирис
– Поретко мокрење
– Чувство на вртоглавица или зашеметеност
– Замор
– Воспалени очи
– Сува уста, усни и јазик
Важно е да се знае дека продолжената дехидрација може да доведе до големи здравствени проблеми, како што се инфекција на уринарниот тракт, камења во бубрезите или откажување на бубрезите. Ако имате посериозни проблеми со задржување на течности, задолжително разговарајте со вашиот лекар.
