ВИДЕО | Ѕвездата на „Приказната на слугинката“ е бремена на 41 година: „Навистина имам среќа, сè оди по планот“
Американската актерка Елизабет Мос (41) гостуваше во шоуто на Џими Кимел, каде откри дека е бремена и дека го очекува своето прво дете.
Препорачано
„Дали си бремена или само неверојатно посветена актерка?“, праша водителот.
„Малку од двете“, одговори ѕвездата на телевизиската серија „Приказната на слугинката“ („The Handmaids Tale“).
Потоа таа зборуваше за нејзината бременост и сподели како се чувствува откако е во блажена состојба.
„Не е лошо. Навистина имам среќа. Сè оди добро“, рече таа.
Инаку, Мос е таинствена за приватниот живот и јавноста не знае кој е таткото на нејзиното дете.
Првите шпекулации за нејзината бременост се појавија за време на нејзиниот нов филм, трилерот „Школка“ („Shell“). Имено, за време на снимањето, таа беше забележана со розова наметка, со која го покриваше нејзиниот труднички стомак. Мос била видена како разговара со актерот Макс Мингела, кој е режисер на филмот, а со него работеше и на телевизиската серија „Приказната на слугинката“ („The Handmaids Tale“).
Пред две години, во разговор за „Дејли мејл“, таа откри дека сака да стане мајка и дека нејзината мајка Линда ѝ била голема инпирација.
„Навистина сакам да имам деца бидејќи сум многу инспирирана од тоа каква е мајка ми. Прекрасно ме воспита“, рече таа, а потоа се пошегува дека кога ќе се породи ќе го предаде детето на мајка ѝ.
