Џорџ Клуни неодамна за медиумите зборуваше за своето семејство, а со изјавата за сопругата Амал особено ги насмеа новинарите. Актерот, кој се омажи за адвокатката за човекови права Амал Аламудин во 2014 година, рече дека нејзините вештини во кујната не се ни приближно блиску до нејзината експертиза на суд.

„Мојата сопруга е брилијантен адвокат, еден од најголемите адвокати во светот, но подобро е јас да готвам бидејќи постои можност сите да умреме“, рече тој во интервјуто за време на премиерата на филмот „Момците во чамецот“ во Лос Анџелес, кој го режираше и продуцираше.

На прашањето што имаат тој и Амал на менито за претстојните празници, Џорџ откри дека оваа година ќе подготвуваат „мала божиќна мисирка“, слична на онаа што ја направил за Денот на благодарноста.

Што се однесува до односот со неговите деца, новинарите го прашале дали неговите деца се свесни кој е нивниот татко.

„Немаат поим. Едно од децата во училиштето му кажа на нашиот син дека сум познат. Подоцна син ми ме праша: ‘Тато, по што си познат?’“, раскажал Клуни.

Познатиот актер и адвокат, кои се венчаа во септември 2014 година, се родители на 6-годишните близнаци Ела и Александар, а по повод премиерата на филмот кој Џорџ го режираше, на црвениот тепих прошетаа во елегантни комбинации.

Имено, Амал се појави во светло жолт фустан од Версаче, додека актерот носеше класичен црн костум под кој носеше темно сина кошула.

George Clooney pokes fun at wife Amal’s cooking and says his kids have no idea that he’s famous! ☺️ Full interview: https://t.co/dlCw7o2Rh6 pic.twitter.com/irf6J1CkrJ

— ExtraTV (@extratv) December 12, 2023