Британскиот актер, комичар и водител Џејмс Корден повторно ја шокираше публиката, овојпат за време на церемонијата на доделувањето на наградата „Breakthrough Prize“ во Лос Анџелес, каде предизвика непријатна тишина во салата со шега за 90-годишната актерка Џуди Денч и американскиот лекар и научник Ентони Фаучи.

„Вечерва е единствената ноќ во која Холивуд и науката се спојуваат, освен, се разбира, таа магична ноќ кога д-р Фаучи имаше врска за една ноќ со Џуди Денч“, рече Корден, пренесува „Дејли мејл“.

Камерата веднаш ја покажа актерката Оливија Вајлд, која ги крена веѓите, додека останатиот дел од публиката, во која седеа научници, математичари, физичари и бројни холивудски ѕвезди, како Гвинет Палтроу, Лизо и Гал Гадот, покажаа дека шегата не им се допаѓа. Џуди Денч не беше присутна на церемонијата на доделување на наградата, која се доделува како признание за напредок во науката.

Пред помалку од седум години, Џејмс налути многумина со несоодветни и контроверзни шеги за Харви Вајнштајн. Тогаш озлогласениот продуцент беше обвинет за сексуална злоупотреба од неколку жени.

Тогаш можеа да се слушнат воздишки од публиката, во која беа Том Хенкс, Кејт Хадсон, Ферги и многу други. “Не знам дали воздивнувате затоа што ви се допаднаа шегите или не. Ако не ви се допаднаа, мислам дека треба да си заминете”, додал водителот.

По таа вечер на социјалните мрежи се проширија снимки од неговиот говор, а многумина го изразија својот гнев. На неговите шеги реагираше актерката Роуз Мекгован, која го обвини Вајнстин за силување. По нејзината реакција, Корден мораше да се извини.