ВИДЕО | Два мали авиони се судрија на писта во Аризона
Два мали авиони се судрија на пистата на регионалниот аеродром во Аризона, при што загина најмалку едно лице, соопштија властите во таа американска држава. Едниот од авионите е во сопственост на хеви метал групата Мотли Кру, а другиот на холивудската ѕвезда и актер Винс Вон. Во несреќата загина пилотот на бендот, додека копилотот и уште двајца патници со повреди се пренесени во локалните болници. Во авионот на Винс Вон немало патници.
Препорачано
Едно лице загина, потврди Дејв Фолио, портпарол на противпожарната служба во Скотсдејл, градот во кој се случи трагедијата вчера попладне.
?? | Impactante video muestra el momento en que un Learjet 35A chocó este lunes contra un Gulfstream 200 en el aeropuerto de Scottsdale, Arizona. El accidente dejó 1 muerto y 3 heridos. https://t.co/B7yiAUyzLR pic.twitter.com/rfpgJzmIWa
— UHN Plus (@UHN_Plus) February 11, 2025
„Се уште работиме на извлекување на едно лице од еден од двата авиони“, додаде тој, појаснувајќи дека уште тројца повредени се пренесени во болница.
Во сударот учествувале два приватни авиони, Лирџет 35A и Галфстрим 200, според американската Федерална управа за авијација (ФАА).
Првиот „излегол од пистата по слетувањето и удрил во другиот“, објаснуваат од службата.
A Learjet 35A crashed into a Gulfstream 200 after veering off the runway at Scottsdale Airport around 2:45 p.m. Fire department on scene; no reported injuries. Video from the Citizen app shows the incident. Runway remains closed as officials investigate. pic.twitter.com/RYGPscZZ3K
— Raw Reporting (@Raw_Reporting) February 10, 2025
ФАА почна да спроведува истрага. Сообраќајот на аеродромот Скотсдејл беше привремено во прекин.
Бендот Мотли Кру ја потврди смртта на пилотот во изјава на Икс, нагласувајќи дека тие ќе дадат поддршка на неговото семејство.
„Претходно денеска, приватен авион во сопственост на Винс Нил (Learjet 35A) учествуваше во несреќа во близина на Скотсдејл, Аризона. Од засега непознати причини, авионот се излизгал од пистата и удрил во паркиран авион. Во авионот имало 2 пилоти и двајца патници, но не и господин Нил. Бидејќи истрагата е во тек, не можеме да дадеме дополнителни информации. „Мислите и молитвите на г-дин Нил се со оние кои учествуваа во несреќата и тој е благодарен на првите што реагираа“, изјави претставникот на пејачот.
— Mötley Crüe (@MotleyCrue) February 11, 2025
Вчерашната несреќа ја надополнува серијата неодамнешни катастрофи кои фрлаат сомнеж врз безбедноста на воздушниот сообраќај во САД.
На 30 јануари, во судир меѓу комерцијален патнички авион и воен хеликоптер во близина на прометниот аеродром загинаа вкупно 67 луѓе во Вашингтон.
На 1 февруари се урна медицински транспортен авион во Филаделфија, при што загинаа 7 лица, шестмина во него и еден на земја.
А во петокот 10 луѓе загинаа кога мал патнички авион се урна на Алјаска.
