Кога се наошаме во близина на животни, секогаш треба да бидеме претпазливи. Дури и ако тие пораснале меѓу луѓе и се целосно навикнати на нас, може да се случи да ги вознемириме со нашето однесување, а тие тоа ќе ни го дадат до знаење.

Еден коњ, припадник на Kралската гарда, на својата позиција пред Бакингемската палата, забележувајќи дека една жена го зазема неговиот личен простор, ја зграпчил за коса и ја повлекол.

Жената позирала пред палатата, на Парадата на Коњаничката гарда, а веднаш до неа се наоѓа знак за предупредување на кој пишува: „Внимавајте, коњите можат да клоцаат или да гризат. Благодарам“. Токму тоа и се случило – жената сакала само да направи фотографија, а на крајот добила видео кое стана вирален хит. Во шок, таа се оддалечила од коњот, намрштено гледајќи во него.

Сличен инцидент се случи неодамна на истото место, а можно е да се работи за истиот коњ. Но, тогаш животното каснало туристка која премногу му се доближила. И туристката сакала фотографија, но завршила со гризнување на рамото. Она што ги поврзува двата инциденти се шокираните реакции на жените, кои не очекувале дека коњот ќе направи нешто, но војниците кои седат на коњите воопшто не реагирале.