Фудбалерите на Евертон ремизираа 2:2 против Манчестер јунајтед во Ливерпул во 26. коло од Премиер лигата. „Црвените ѓаволи“ успеаја да му извлечат бод на Гудисон по нешто подоброто издание во вториот дел.

Сè тргна наопаку за гостите во 19. минута, голема конфузија на одбраната внатре во шеснаесетникот жестоко казни Бето, кој ја искористи добрата позиција и го исфрли немоќниот Онана. Судијата Медли долго време мереше дали да го досуди голот, но дури по потврдата од ВАР собата беше потврдено дека „карамелите“ поведоа.

Јунајтед немаше решенија во нападот, па домаќинот го искористи просторот за контранапади, една од поопасните беше кога обидот на Харисон беше сопрен од Онана, но продолжението на акцијата донесе уште еден гол на Евертон кога Абдулаје Дукуре ја удвои предноста на својот тим.

До крајот на полувремето немаше промена на резултатот, па се чинеше дека Јунајтед е многу блиску до нов пораз. Не ветуваше ниту стартот на второто полувреме, Евертон прв се закани преку Дукуре, но се се смени во 72. минута.

Бруно Фернандеш ја смести топката на 20 метри од голот на Пикфорд, а со слободен удар ја погоди противничката мрежа. Само осум минути подоцна, гостите од Манчестер целосно се вратија во игра благодарение на Мануел Угарте, кој даде сѐ од себе во шеснаесетникот и донесе израмнување.

Судијата Медли реши да досуди пенал за Евертон во последните моменти од мечот откако Јанг падна, но по асистенција од ВАР собата ја прегледа снимката и реши да ја поништи својата одлука. На крајот, Манчестер Јунајтед освои бод, вкупно 30-ти, со што се одржува на 15-та позиција во Премиер лигата, додека Евертон е 12-ти со 31 вод во генералниот пласман.