Денеска на „Сигнал Идуна Парк“ во Дортмунд пред нешто над 81.000 гледачи екипата на Борусија славеше против ПСЖ со 1:0 во првиот натпревар од полуфиналето во фудбалската Лига на шампионите.

Стрелец на единствениот гол за германскиот претставник беше Никлас Филкруг во 36 минута по асистенцијата на Нико Шлотербек. Така, „милионерите“ се доближија до своето трето финале во елитното клупско натпреварување.

Среќата беше и на страната на Германците, особено во второто полувреме кога ПСЖ напаѓаше со сите сили, промашуваше и погодуваше стативи наместо во домашната мрежа.

Најблиску до израмнување шампионите на Франција беа во 55 минута во истата акција Килијан Мбапе и Ашраф Хакими ја затресоа рамката од голот.

Реванш мечот во Франција, ќе се игра на 7 мај со почеток од 17.00 часот на „Паркот на принцовите“ во Париз.