Никола Јокиќ и Џамал Мареј втор натпревар во низа не настапија за Денвер и во таква ситуација нивниот тим забележа уште еден убедлив пораз од Лејкерс каде што повторно одличен натпревар одигра Лука Дончиќ.

Лејкерси беа подобри со 120:108, а Дончиќ полека се промовира во лидер во екипата од Калифорнија која стигна до третиот триумф во низа.

Одлучувачка за победата на Лејкерс беше првата четвртина која ја добија со 46-29, а во неа Дончиќ сам постигна 21 поен. Денвер не успеваше да се врати и во еден момент разликата беше 30 поени. Денвер во финишот успеа само да го ублажи поразот.

Натпреварот Дончиќ го заврши со 31 поен, девет скока и седум асистенции, додека во отсуство на првите ѕвезди најдобар кај Денвер беше Ерон Гордон со дабл-дабл од 26 поени и 11 скока.

Со овој триумф Лејкерс стигнаа до втората позиција и во наредните натпревари ќе се обидат да дојдат во второто место каде што Хјустон кој има две победи повеќе, но и два натпревари повеќе.

НБА РЕЗУЛТАТИ:

Индијана – Далас 135-131
Орландо – Хјустон 108-116
Мајами – Детроит 113-116
Минесота – Њу Орлеанс 115-119
Оклахома – Филаделфија 133-100
Сан Антонио – Њујорк 120-105
Јута – Вашингтон 128-112
ЛА Лејкерс – Денвер 120-108
Феникс – Чикаго 127-121
Портланд – Мемфис 115-99
Сакраменто – Кливленд 123-119