Бостон Селтикс поведе со 3:0 во финалната серија и така дојде на чекор од рекордната 18. шампионска титула.

Бостон славеше со 106:99 и сега има шанса да дојде до шампионскиот прстен по пауза од цели 16 години. Добро го отвори мечот Далас, водеше и со 13 разлика по првата четвртина, сепак Бостон брзо ја намали негативата.

Почнувајќи од третиот период тие го диктираа темпото, а на почетокот на последниот период стигнаа и до највисоките 21 поен разлика (91:70). Во тие моменти изгледаше како се да е завршено, меѓутоа Далас не се откажа.

Следуваше серија од 22:2 со која Далас намали на 92:93, меѓутоа на три минути пред крајот Лука Дончиќ ја направи шестата лична грешка и без него на паркетот, Мавс не можеа до пресврт.

Дончиќ натпреварот го заврши 27 поени, Ирвинг сега му беше одлична поддршка со 35 поени, додека кај Бостон Тејтум постигна 31, а Браун 30 поени.

Четвртиот натпревар кој може да биде последен ако Бостон славе се игра ноќта помеѓу петок и сабота во 02:30 часот.