Екипата на Валенсија во која летово се пресели македонскиот голман Столе Димитриевски претпе нов пораз во шпанската Ла Лига, сега од Селта со 3:1.

Валенсија прва стигна до водство со голот по 14 минути игра, но во 23. минута Мингуеза донесе изедначување. Не помина многу време, само пет минути подоцна Иаго Аспас стрелаше за комплетен пресврт.

Имаше прилика Аспас да постигне и втор гол, меѓутоа неговиот удар од белата точка во завршницата од првиот дел го одбрани Мамардашвили.

Во второто полувреме Белтран ги постави и конечните 3:1. Димитриевски и во овој натпревар остана на клупата и понатаму ќе го чека своето деби во новиот клуб.

На отворањето од сезоната Валенсија беше поразена од Барселона.