ФОТО+ВИДЕО | Девојка која живее во близина на Северниот Пол открива како живеењето во темнина влијае на нејзиното тело
Сесилија Бломдал живее десет години на Свалбард, норвешки архипелаг сместен меѓу Норвешка и Северниот пол, каде што три месеци во годината целосно нема сончева светлина. Иако првично планирала да остане само три месеци, нејзината авантура се претворила во трајна преселба, пренесува „Пипл“.
Препорачано
-
1
-
2
-
3
Бломдал, која е по потекло од Шведска, признава дека не очекувала да се заљуби во овој изолиран остров.
„Го сакам повеќе отколку што мислев дека ќе го сакам“, изјавила таа додавајќи дека никогаш не планирала ова место да го нарече дом.
View this post on Instagram
Животот во темнината
Свалбард е едно од најсеверните населени места во светот, а она што го прави посебен е поларната ноќ – период кога Сонцето не изгрева над хоризонтот, што значи дека ноќта трае 24 часа. Оваа појава трае од средината на ноември до крајот на јануари.
Бломдал, која го документира животот во Свалбард на социјалните мрежи, го опиша искуството како „живеење во бајка“, благодарение на ѕвезденото небо, северната светлина и средбите со локалните ирваси. Но, признава дека долгите месеци во темнина имаат свои лоши страни.
Ефектот на темнината врз телото и умот
Бломдал зборуваше за тоа како тримесечниот мрак влијаел на нејзиното тело.
View this post on Instagram
„Дефинитивно ги чувствувам промените. Можеби сум повеќе уморна, се движам со поинакво темпо“, рекла таа и додала: „Будењето со позитивен став кон сè што ќе донесе денот е клучно за менталното здравје“.
Покрај поларните ноќи, жителите на Свалбард имаат и поларни денови, кога четири месеци по ред живеат на дневна светлина 24 часа на ден. Од овие две крајности, Бломдал признава дека поларната ноќ ѝ е полесна.
„Кога ги споредувам двата периода, ми е многу полесно да живеам во поларната ноќ отколку во постојана дневна светлина“, признала таа.
„Одиме да спиеме додека сонцето е на небото, а кога ќе се разбудиме, тоа е сè уште таму“, рекла таа.
Бломдал открива дека користи завеси за затемнување и маска за спиење во овој период за да ѝ помогне да се одмори во посветлите месеци, истакнувајќи дека овие периоди се навистина предизвикувачки.
