Невообичаен метеоролошки феномен деновиве ги вознемири жителите на Истанбул – турската метропола среде ден, пет минути беше без сонце поради невреме со исклучително темни облаци.

„Облак дебел седум километри помина над Истанбул. Во меѓувреме, сонцето исчезна пет минути, а денот се претвори во ноќ“, објави турскиот метеоролошки форум „Хава форум“

İstanbul'un üzerinden 7 kilometre kalınlığında bir bulut geçti. Bu esnada 5 dakikada güneş yok oldu, gündüz geceye döndü. Bazı insanlar kıyamet yorumu yaptı. İşte o anlar… ? pic.twitter.com/BmJlbSMX5U

— Hava Forum (@HavaForum) April 18, 2023

Мрачниот облак донесе и невреме со силен дожд. Според метеоролозите, станува збор за изразен фронт од кумулонимбус, кој не пропушта светлина и поради тоа има темна боја. Во исто време, за да ја направи сликата уште поспектакуларна, но можеби и поморничава, на небото над Истанбул се појави и прекрасно виножито.

Дел од граѓаните коментираа дека невремето и темните облаци се можен предвесник на нов земјотрес, по серијата потреси од 6 февруари, во кои загинаа десетици илјади луѓе.