Поранешниот директор на Фондот за здравствено осигурување, Ден Дончев, на „Фејсбук“ објави неколку видеа од мечот од првото коло на „Австралија опен“ во Мелбурн, на кој настапи српскиот тениски ас Новак Ѓоковиќ. Дончев во објавата кусо напиша „Еден и единствен Новак Ѓоковиќ“

Дончев, чие име се поврзуваше со повеќе скандали и обвинувања за корупција, ја напушти земјава уште во 2020 година, откако поднесе оставка од челната функција на ФЗОМ, наводно поради здравствени и семејни причини. Тој во времето на напуштањето на државата беше под истрага за спорни приходи кои ги примил во 2018 година.

Дончев се поврзуваше и со аферата наречена „Рекет“ 2 во која сопственичката на компанијата „Диамед“ го обвини дека се обидел да спречи странска инвестиција да влезе во Македонија.