Француски климатски активисти утринава се снимени како фрлаат супа врз Мона Лиза, ремек-делото на Леонардо да Винчи кое е изложено во музејот Лувр, Париз, пишува „Дејли мејл“.

На снимката објавена на социјалните мрежи се гледаат двајца демонстранти од групата „Riposte alimentaire“, што во превод значи „Одговор на храна“, како прскаат супа од конзерва врз стаклото што го штити уметничкото дело на Леонардо да Винчи. Дуото се качило позади бариерата во изложбениот простор и застанале пред вандализираното уметничко дело. Двете жени рекоа дека акцијата има за цел да го промовира „правото на здрава и одржлива храна“, велејќи: „Нашиот земјоделски систем е болен“.

На видеото од инцидентот се гледа персоналот на музејот кој брза на местото на настанот за да постави неколку панели пред сликата.

Мона Лиза, која била насликана некаде помеѓу 1503 и 1519 година додека Леонардо живеел во Фиренца, Италија, била поставена во Лувр во 1804 година и со децении е претставена зад заштитното стакло.

Не е првпат Мона Лиза да биде мета на активисти за климата. Во мај 2022 година, некој се обиде да ја обезличи сликата фрлајќи торта врз неа. Маж маскиран со шминка и перика фрли торта на непроценливото ремек-дело, пред да извика „мислете на планетата!“. Тој се обиде да го скрши заштитното стакло пред сликата, но за среќа не успеа.

ФОТО | Демонстранти вандализираа позната скулптура на Дега