Екипата на Лајпциг го освои германскиот Суперкуп победувајќи го Баерн Минхен со 3:0, а сите три гола ги постигна Шпанецот Дани Олмо.

На денот кога Хари Кејн е првата и единствена приказна во светот на фудбалот поради потписот за Баерн, Дани Олмо и Лајпциг ги спречија Баварците да го добијат првиот трофеј сезонава.

Олмо го започна својот пат до хет-трик веќе во третата минута, каде најдобро се снајде во шеснаесетникот по паузата, а вториот гол во 44 минута беше вистинско ремек дело.

Играњето со рака на Мазрауи во 68 минута му донесе на Лајпциг пенал и трет гол за Олмо. Англискиот репрезентативец Хари Кејн влезе во игра во 63 минута, но на дебито немаше големо влијание на играта.

На крајот, големо славје за Лајпциг на „Алијанц Арена“ и покрај тоа што Баерн имаше 67 отсто посед и 13 удари кон голот, наспроти 10 на ривалите.