Манчестер сити дојде до значајна победа во Премиер лигата, совладувајќи го тимот на Вулверхемптон со 1-0, во меч што може да се покаже како клучен во трката за пласман во Лигата на шампионите следната сезона.

Стрелец на единствениот гол беше Кевин Де Брујн, кој во 35. минута го искористи прецизното додавање од Џереми Доку и со смирен удар ја затресе мрежата на гостите.

Сити доминираше во поголемиот дел од натпреварот и создаде повеќе конкретни шанси, но не успеа да ја зголеми предноста. Вулвс имаше неколку обиди за израмнување, но не беше доволно прецизен за да ја загрози победата на „граѓаните“.

Со оваа победа, Манчестер Сити останува во тесната борба за место меѓу најдобрите четири на табелата, додека Вулвс си заминува со празни раце од „Етихад“.