Американската актерка Дакота Џонсон откри што е важно за неа во љубовта овие денови, неколку денови по раскинувањето на нејзината долгогодишна врска со фронтменот на „Колдплеј“, Крис Мартин.

Имено, според извори блиски до двојката, нивната врска завршила по речиси осум години, а Џонсон сега јасно стави до знаење дека повеќе не е подготвена да трпи во идните љубовни врски.

Во гостувањето во шоуто „Тудеј“, заедно со нејзиниот колега Крис Еванс, со кого глуми во филмот „Материјалисти“, водителот Крег Мелвин ги праша за нешто што е апсолутно клучно за нив при изборот на партнер.

Еванс одговори дека му е важно партнерот да сака кучиња, додека Џонсон без двоумење рече: „Да не е кретен“. Нејзината изјава предизвика смеа во студиото, а Еванс додаде дека Дакота „погодила точно во суштината“ со тоа.

Да потсетиме, неодамна се појавија гласини дека Дакота Џонсон и Крис Мартин, наводно раскинале, со што ја завршија нивната речиси осумгодишна врска која неколку пати ја прекинуваа. Се шпекулира дека раскинувањето се должи на конфликти во распоредот. А, како што изјави извор овој пат е конечно.

Тие беа во врска од 2017 година, а нивната осумгодишна врска имаше свои подеми и падови. Последен пат беа фотографирани заедно на 16 мај, кога беа заедно во Малибу. Пред тоа, во јануари, беавидени како се држат за раце во Индија, каде што Мартин бил на турнеја со својот бенд.

ФОТО+ВИДЕО | Дакота Џонсон за децата на Крис Мартин: Ги сакам со сето мое срце, но сакам да имам и свои