После поразот од Ваасланд-Беверен, составот на Вестерло им се врати на победите во втората белгиска лига.

На домашен терен ја оправда фаворитската улога против Ломел совладувајќи го со убедливи 3:0.

Во 12 триумф сезонава придонесе и 23-годишниот македонски напаѓач Ердон Даци кој го запиша и деветтиот гол сезонава во 15 настапи, втор стрелец во шампионатот.

На стартот од второто полувреме противничкиот голман успеа да одбрани, а одбиената топка дојде до нашиот играч на кој не му беше тешко да ја затресе мрежата за зголемување на позитивата на 2:0. Неговиот погодок е на 01:31 мин. од видео записот.

Моментно на табелата Вестерло е на првата позиција со 40 бодови, осум повеќе од второпласираниот РВДМ.