Белгискиот клуб дефинитивно не згреши со потегот што го ангажираше 23-годишниот македонски напаѓач кој веќе блеска во првата сезона за Вестерло.

Во 13 коло од втората белгиска лига составот на Вестерло славеше со 0:1 на гостувањето против Ломел.

Ердон Даци уште еднаш беше херој на својата екипа постигнувајќи го победничкиот гол во самиот финиш од средбата (90+2`).

Тоа е веќе шести гол за нашиот играч во 10 настап сезонава во шампионатот за Вестерло кој со новата победа најави уште еднаш дека има сериозни амбиции да се врати во елитата, а токму Македонецот е досега еден од најзаслужните во остварувањето на таа цел.

Моментно на првото место е токму Вестерло со 30 бодови, 10 повеќе од второпласираниот Ваасланд-Беверен.