Кошаркарите на Мајами изминатата вечер успеаа да направат „брејк“ во вториот натпревар од финалната серија против Денвер. Во натпревар во кој видовме повеќе пресврт гостите славеа со 108:111.

Почетокот на мечот беше во знак на Мајами кој ја наметна својата предност и изгради предност која ја бранеше во првата четвртина. Денвер успеа да се консолидира, па со серија од 27:6 си создаде двоцифрена предност. Најголемото водство за Јокиќ и друштвото беше од 15 поени разлика.

Мајами во финишот од првиот дуел успеа да се врати и да намали на 57:51.

Пред крајот на третиот период Мајами се уште имаше водство од 83:75, а тогаш со одлична игра во последниот период „жешките“ успеаа да го одлучат натпреварот. Стигна Мајами и до двоцифрена предност, но Денвер успеа да намали.

Никола Јокиќ одигра уште еден добар меч во кој постигна 41 поен и додаде 11 скока. Во редовите на Мајами се истакна Винсент со 23 поени, додека Адебајо и Батлер додадоа по 21.

Следниот натпревар се игра на осми јуни во Мајами.