На социјалните мрежи кружи морничаво видео, снимено во градот Сергиев Посад, на околу 70 километри североисточно од Москва.

Во преден план е девојка која ја преминува пругата, но не го забележува возот кој на крајот ја удира и преминува преку неа. Локалните медиуми јавуваат дека таа преживеала и има само полесни повреди.

Инцидентот се случил во средата на 6 ноември, а мајката на девојчето изјавила дека „е чудо што ќерка ѝ преживеала“, додавајќи дека машиновозачот не е виновен.

Гледајќи го видеото се чини дека девојката не ја слушнала локомотивата, а работите станале појасни по информацијата дека носела слушалки, пренесува Дејли мејл.

„Научи лекција за цел живот. Слушалките останаа таму, на шините. Имаме едни големи слушалки, ѝ реков да седи дома и да слуша музика“, рекла мајката.

Девојката имала среќа што непосредно пред инцидентот возот забавил, па ударот бил драстично послаб.

„Да одеше со полна брзина, таа ќе беше разнесена на парчиња. Тоа ѝ го кажав“, открила мајката.

По несреќата жртвата била пренесена во болница, но информациите за нејзината состојба не се прецизирани. Локалното обвинителство покрена истрага.