Халид Бешлиќ во текот на животот живееше скромно, без афери, а многумина го нарекуваа „човек од народот“.

Со своите постапки и зборови често го освојуваше симпатиите на јавноста. Пред пет години ги израдува вработените во една пекарница кога им ја запеа својата песна „Романија“. На Фејсбук тогаш се појави снимка на која се гледа како пејачот во пекарницата ја трга заштитната маска и запева дел од песната. Судејќи според видеото, беше добро расположен, па за време на пеењето ги крена и рацете.

„Кафулињата и концертните сали се затворени, но затоа пекарниците работат“, пишуваше во објавата што во времето на коронавирусот ги израдува многумина.

„Цар си, пријателе“, „Голем човек“, „Легенда“, беа само дел од коментарите со кои веднаш го пофалија обожавателите.