Фудбалерите на Челси лесно ја оправдаа фаворитската улога и вечерва славеа убедлива победа над Саутемптон со 4:0 во рамките од 27. коло во англиската Премиер лига.

Нкунку го отвори резултатот во 24. минута, а десетина минути подоцна беше во улога на асистент за Педро Нето кој зголеми на 2:0.

Пред крајот на првото полувреме Колвил се погрижи и за веќе убедливи 3:0. Конечните 4:0 ги постави дефанзивецот Кукуреља во финишот од натпреварот.

Со овој триумф Челси дојде до 46 и четвртата позиција, два повеќе од Манчестер сити кој има натпревар помалку. Саутемптон е последен со само девет освоени бодови.

На останатите натпревари вечерва Фулам на гости со 1:2 беше подобар од Вулвс, Брајтон дома го совлада Бормут со истиот резултат, а Кристал Палас изненадувачки убедливо славеше над Астон Вила со 4:1.