Фудбалерите на Челси без поголеми проблеми го започнаа учеството во ФА купот сезонава, откако на домашен терен рутински ја совладаа екипата на Престон со 4:0.

По првото полувреме, во кое немаше голови, Броја со погодокот во 58 минута им донесе водство на лондонските „сини“.

Во листата на стрелците за клубот од „Стемфорд Бриџ“ се запишаа и Тијаго Силва, Рахим Стерлинг и Енцо Фернандес.

Многу потешко од очекувањата во следната фаза се пласираше Астон Вила која во третата рунда во завршницата од натпреварот со 1:0 го елиминираше Мидлзбро со голот на Мети Кеш.

Од фаворитите триумфи забележаа и Лестер над Милвол со 3:2, додека Њукасл со 3:0 го совлада Сандерленд.