Фудбалерите на Челси во последниот натпревар од 33 коло во Премиер лигата на домашен терен го совладаа убедливо составот на Евертон со 6:0.

Херој на лондонските „сини“ на стадионот „Стемфорд Бриџ“ беше 21-годишниот англиски репрезентативец Кол Палмер кој постигна четири голови во 13, 18, 29 и 64 минута, овој последниот од пенал.

Френк Лампард беше последниот играч на Челси кој имаше четири гола во меч од домашното првенство, во март 2010 година во Лондон против Астон Вила (7:1).

Во листата на стрелците за домашниот тим се запишаа и Николас Џексон во 44 и Алфи Гилкрист во 90 минута.

На табелата Челси се наоѓа на деветтата позиција со 47 бодови, додека Евертон кој се бори за опстанок е на 16 место со 27 бодови.