Актерот Брус Вилис е виден во јавноста за првпат откако неговото семејство минатиот месец откри дека му е дијагностицирана фронтотемпорална демеција.

На фотографиите, кои ги објави „Дејли меjл“, се гледа познатиот актер Брус Вилис, кој вчера го поминал денот со двајца пријатели во Санта Моника, Калифорнија. Вилис бил облечен во сина маица, црни пантолони и сива капа.

Семејството на Брус во февруари ја сподели веста за неговата состојба со светот.

„Откако ја објавивме дојагнозата на Брус, пролетта 2022, неговата состојба се влоши и сега имаме специфична дијагноза, фронтотемпорална деменција. За жал проблемите со комуникација се само еден од симптомите на болеста со кои се соочува Брус. Иако е ова многу болно, олеснување е конечно да ја имаме јасна дијагноза“, изјавија тогаш членовите на неговото семејство.