Катамаранот „Принцот од Задар“ денеска се насука на карпа кај хрватскиот остров Премуда, но сите патници се безбедни благодарение на брзата реакција на локалните жители. Во бродоломот нема повредени, а патниците ќе бидат префрлени до нивните дестинации, јави компанијата која управува со бродот.

Жителите на островот веднаш се организирале и со рибарски бротчиња се упатиле кон местото на инцидентот, покажувајќи висок степен на спремност и заедништво во неволја.

„Катамаранот беше полн со деца бидејќи беше продолжен викенд. Тие беа многу исплашени и испаничени дека бродот ќе потоне. Тие беа првите кои добија појаси за спасување, а екипажот направи се како што треба и на крајот сите добивме појаси. Ни рекоа да ги оставиме работите и да одиме на излезот бидејќи влегува вода и дури кога екипажот се увери дека бродот нема туку-така да потоне, се вратија и продолжија со процедурата, изјави патничка од заринканиот брод.