Фудбалерите на Клуб Бриж ја совладаа Аталанта со 2:1 (1:1) во првиот натпревар од плејофот за осминафинале во Лигата на шампионите.

Двете екипи влегоа малку побавно во натпреварот. Белгијците ја имаа првата шанса на натпреварот и ја претворија во гол. Мрежата на италијанскиот клуб ја затресе Феран Јутгла во 15. минута. Гостите потоа ја презедоа иницијативата и почнаа да создаваат шанси што резултираше со израмнување во 41 минута со погодокот на Марио Пашалиќ.

Белгискиот клуб подобро влезе во вториот дел, создаде неколку убави шанси, но не успеа да постигне гол.

Од друга страна, избраниците на Џанпјеро Гасперини само на моменти успеваа да се заканат. Решавачкиот гол беше виден во 94. минута кога Густаф Нилсон беше прецизен од белата точка. Исландскиот играч на тој начин му донесе триумф на Клуб Бриж.

Реваншот е закажан за вторник на 18 февруари во Бергамо.