Брера Струмица продолжува победнички од стартот на сезоната во Првата македонска фудбалска лига, ја забележа и четвртата победа во низа.

На домашен терен играчите предводени од италијанскиот тренер Џовани Валенти со резултат 2:0 триумфираа над Тиквеш.

Немаше голови по првото полувреме, а новото летно засилување Малески донесе водство во 72 минута.

Конечниот епилог го постави Ѓоргиевски во самиот финиш од средбата (90+8`).

На табелата Брера Струмица е на првата позиција со 12 бодови, пред Шкендија која има девет од три натпревари, а третопласиран е Тиквеш со шест.