ВИДЕО: Бразил е првата репрезентација од Јужна Америка со мундијалска виза
Селекцијата на Бразил обезбеди пласман на Светското првенство 2022 година откако во Сао Пауло ја совладаа Колумбија со минимални 1:0.
Препорачано
Ова беше нивна 11 победа во јужноамериканските квалификации во 12. натпревар. Човек на одлука беше Лукас Пакета кој во 72 минута на асистенција на Нејмар, го постигна единствениот гол на натпреварот.
???? Grupo unido, objetivo conquistado! Parabéns a todos!
Nós vamos para mais uma Copa!
? Lucas Figueiredo/CBF pic.twitter.com/HZx4VVdTq4
— CBF Futebol (@CBF_Futebol) November 12, 2021
Со оваа победа, Бразил и математички го обезбеди пласманот на Мундијалот во Катар, „кариоките“ се лидери на табелата со 34 бода, девет повеќе од вторпласираната Аргентина, и дури 18 бода повеќе од четвртопасираниот Чиле на пет кола до крајот на квалификациите.
Бразил стана третата репрезентација која обезеди пласман на Мундијалот по Германија и Данска.
Селекцијата на Чиле благодарение на автоголот на Антони Силва славеше на гостувањето кај Парагвај и со третата победа по ред, чилеанците се искачија на четвртото место со 16 бода.
Перу оствари убедлива победа од 3:0 над Боливија благодарение на Лападула, Куева и Пења.
Според правилата, четирите најдобропласирани репрезентации од јужноамериканските квалификации ќе обезбедат директен пласман на СП во Катар, додека петтопласираната ќе игра во баражот.
