Фудбалерите на Борнмут остварија убедлив триумф од 3:0 на гостински терен против Манчестер јунајтед во 17 коло од Премиер лигата.

Гостите поведоа во 29. минута преку Дино Хејсен, а во 61 минута зголемија на 2:0 од белата точка, а прецизен беше Џастин Клајверт. Конечниот резултат беше поставен две минути подоцна преку Антоан Семењо.

Победа од 3:0 на гости кај Лестер забележа и Вулверхемптон. „Волците“ поведоа во 19. минута кога погоди Гонзало Гедес, во 36. погоди Родриго Гомеш, а во листата на стрелците се запиша и Матеус Куња во 44. минута.

Што се однесува до останатите натпревари кои се одиграа во истиот период, на натпреварите Фулам – Саутемптон и Евертон – Челси немаше голови.

Последниот натпревар од 17. коло на Премиер лигата ќе се игра во недела од 17:30 часот во Лондон, а силите ќе ги одмерат Тотенхем и Ливерпул.