Демонстранти кои се против вакцинирање се обидоа да упаднат во студиото на Би Би Си во Вајт Сити, во западниот дел од Лондон.

На снимката може да се види група демонстранти како се обидуваат да влезат во зградата туркајќи се со полицијата која се обидува да го спречи упадот, објави Индипендент.

Official Voice protesters try storming the BBC studios at white city but them come up against a heavy police presence- they are protesting against vaccine passports and vaccine for kids pic.twitter.com/FGTSJ6WLmu

— Paul Brown ?? Browns fan? London News ?Vlogger (@PaulBrown_UK) August 9, 2021

Демонстрантите излегле првично на протест во лондонски парк по што заминале од оваа локалција следени од полицијата. На снимката се слуша како некој од толпата зборува:

-Можеби одат кон Би Би Си. Изгледа ќе одиме во Вајт Сити, момчиња, се слуша на снимката.

Потоа се гледа како полицијата им го попречува патот на антиваксерите од толпата која се претставува како неофицијална група „Официјален глас“ (Official Voice) – која пред тоа протестираше против вакцинацијата на деца.

-Овие демонстранти се обидоа да упаднат во студијата на Би Би Си во Вајт Сити но наидоа на големо полициско присуство, тие протестираат против вакциналните пасоши и против вакцините за деца, рече влогерот Пол Браун на снимакта објавена на „Твитер“.

Иако демонстрантите удрија кон вратите на објектот на Би Би Си, полицијата успеа да ги оттурне. Многумина во толпата ги снимаа овие шокантни глетки на насилство. Полицијата соопшти дека нема уапсени.