Денеска на стадионот во Вадуц во рамките од квалификациите за Светското првенство 2026 фудбалската репрезентација на Белгија на гости со 6:0 убедливо го совлада Лихтенштајн.

По стартното реми со Македонија, избраниците на селекторот Руди Гарсија остварија две победи во низа.

По триумфот над Велс, овојпат Белгијците ја оправдаа фаворитската улога над аутсајдерот во квалификациската група Ј во која настапува и најдобрата македонска селекција.

Два гола запиша Тилеманс, во 46 и 70 минута од пенал, а по еден погодок постигнаа Де Кујпер, во 29 минута, Теат во 60 минута, Де Брујне во 62 минута и Фофана во судиското надополнување (90+1`).

Моментно во квалификациската група води Велс со 10 бодови од пет натпревари, пред Македонија со осум на втората позиција од четири натпревари, а трета а Белгија со седум од три натпревари.

В недела од 18.00 часот Македонија на Националната Арена „Тодор Проески“ во Скопје против Лихтенштајн не смее да си дозволи кикс, ако сакаме да останеме во трката за првите две позиции за учество на Мундијалот, победа е единствена опција.

Квалификации СП 2026
Група Ј

Четврток, резултати –

Казахстан – Велс 0:1
Лихтенштајн – Белгија 0:6

Табела: Велс 10 бодови, Македонија 8, Белгија 7, Казахстан 3, Лихтенштајн 0.

Следни натпревари, 7 септември (недела)

Македонија – Лихтенштајн (18.00 часот)
Белгија – Казахстан (20.45 часот)