Денеска во натпреварот од 30 коло во најсилното турско фудбалско првенство екипата на Бодрумспор на гости со 1:0 го совлада Аланјаспор.

Стрелец на единствениот гол на овој меч беше Али Ајтемур по асистенцијата на македонскиот репрезентативец Енис Барди кој изведе корнер во 81 минута.

Нашиот играч беше во стартниот состав и настапи до самиот финиш (90+4`) кога беше заменет од Педро Бразао.

После деветтата победа сезонава Бодрумспор е засега надвор опасната зона за испаѓање, односно на 14 место со 33 бодови.

Во следното коло Барди и неговите тимски колеги на 12 април ќе го пречекаат Анталијаспор.