Од дискусија за нуклеарна војна до појаснување на саканиот хит: Посетата на јужнокорејскиот претседател Јун Сук-Јол во Белата куќа заврши со висока нота кога тој ја испеа „Аmerican Pie“, песна на Дон Меклин, по што следеше голем аплауз, пренесува „Гардијан“.

Јун е во шестдневна државна посета на Вашингтон, каде што разговараше со Џо Бајден за „крајот“ на секој севернокорејски режим што користел нуклеарно оружје против сојузниците.

Unexpected moment at the state dinner when the president of South Korea sings “American Pie.” pic.twitter.com/Dus6BiBU9E

— Jeff Mason (@jeffmason1) April 27, 2023

Но, двајцата лидери имаа повесели теми на агендата на државната вечера во Белата куќа, при што јужнокорејскиот лидер – кој дома е познат како љубител на караоке – ја споделува својата љубов кон американската музика.

„Знаеме дека ова е една од вашите омилени песни, American Pie“, му рекол Бајден на Јун, откако го извлекол на сцената на крајот на вечерта за да ги слуша пејачите како ја изведуваат класиката.