Фудбалерите на Баерн Минхен го доживеаја првиот пораз оваа сезона во Бундес лигата, откако беа поразени со 2:1 на гостувањето кај Мајнц во натпреварот од 14 коло.

Мајнц до победата над Баерн го предводеше тандемот Ли Јае Сунг – Арминдо Сиб. Јужнокорејецот беше стрелец на двата гола, во 41 и 60 минута, а двоен асистент беше резервниот играч на домаќините Сиб.

Конечниот резултат го постави Лирој Сане во 87 минута. Најдобриот стрелец на тимот Хари Кејн повторно не играше за Баерн поради повреда.

Со седмата последователна победа во сите натпреварувања, а петта во Бундеслигата, шампионите од Леверкузен максимално го искористија киксот на Баерн и целосно се вратија во трката за титулата, бидејќи сега заостануваат само четири бода зад Баварците.

На табелата во германскиот шампионат води и натаму Баерн со 33 бодови, пред Баер Леверкузен на втората позиција со 29.