Фудбалерите на Баер Леверкузен го освоија Купот на Германија, откако во финалето во Берлин го победија второлигашот Кајзерслаутерн со 1:0.

Стрелец на единствениот гол на Олимпискиот стадион беше Гранит Џака во 16 минута. Тимот од Леверкузен од 44 минута играше со десетмина, откако Одилон Косуну го доби вториот жолт картон.

Баер со фудбалер помалку до крајот на мечот успеа да ја задржи минималната предност и на крајот да го освои четвртиот трофеј во клупската историја.

Инаку екипата предводена од тренерот Чаби Алонсо оваа сезона ја освои двојната круна, откако за прв пат во историјата на клубот ја освои шампионската титула во Бундеслигата. Воедно стана и првиот тим кој ја освои титулата без пораз.

Баер претрпе само еден пораз во сите натпреварувања оваа сезона, откако во финалето на Лига Европа загуби од Аталанта со 0:3. Тогаш тимот ја прекина серијата од 51 натпревар без пораз.