Екипата на Ваљадолид на на која и е потребно чудо за да се спаси од испаѓање во шпанската Ла Лига вечерва постигна два гола против Атлетико Мадрид, но на крајот сепак домаќините славеа со 4-2.

Гостите изненадувачки први стигнаа до водство во 21 минута кога Сиља стрелаше од пенал. Атлетико сепак набрзо дојде до израмнување откако од пенал реализираше Алварез. „Јорганџиите“ успеаа да направат и пресврт кога во 27 минута Симеоне погоди за 2-1. Ваљадолид стигна дo израмнување по десетина минути игра во второто полувреме кога од пенал погоди Санчез.

Во 71. минута Атлетико доби нов пенал кој повторно во гол го претвори Алварез. Конечните 4-2 ги постави Сорлот на осум минути пред крајот.

Атлетико со овие три бода дојде до 63, три помалку од Реал Мадрид и седум од лидерот Барселона, Ваљадолид од друга страна е последен со само 16 бода, Алавес на 17-тата позиција која е прва над опасната зона има 30.