Градоначалничката на Град Скопје, Данела Арсовска, и денеска се вклучи во живо од терен, повторно од Чаир, каде ги „лови“ нелегалните градби на, како што вели таа, „принцезата на дивоградбите“, градоначалникот Висар Ганиу.

– Висаре, криминалецу, никој не го прави ова ти што го правиш, затоа се закануваш. Едни документи доставуваш до Град Скопје, друг документ до Катастар, фалсификуваш документи, затоа се закануваш. Затоа ти ги палат колите, затоа што Град Скопје те спречи да легализираш дивоградби.

Таа додаде дека излегува во јавност и јавно ќе ги објавува сите дивоградби токму поради нејзина заштита бидејќи таа тврди дека добивала закани од градоначалникот на Општина Чаир по неа и по нејзиното семејство, а повеќе може да погледнете во видеото подолу.