Фудбалерите на Арсенал денеска го победија Нотингем форест со 3:0 на домашен терен во Лондон, во натпревар од четвртото коло во Премиер лигата.

Арсенал поведе во 32 минута преку Мартин Зубименди, со својот прв гол за лондонскиот клуб.

Виктор Ѓекереш го зголеми водството во 46 минута по асистенцијата од Еберечи Езе, кој го започна својот прв натпревар за Арсенал, а Зубименди го постави конечниот резултат со својот втор гол во 79 минута од средбата.

Тимот на Микел Артета е прв на табелата со девет бода, додека Нотингем Форест е на 11 место со четири бода.

Арсенал ќе биде домаќин на Манчестер сити во дербито на следното коло во Лондон, додека Нотингем форест ќе игра на гости против Барнли.