Арсенал славеше победа од 3:1 против Челси на „Емирати“ и така прекина низата од четири натпревари без победа во Премиер лигата.

Немаа победа четири натпревари избраниците на Артета, а вечерва конечно се израдуваа против сезонава очајниот Челси на кој никако не му оди и со враќањето на Лампард на клупата.

Натпреварот беше решен уште во првото полувреме кога Одегард со два гола во 18-тата и 31-та минута и Жесус три минути подоцна обезбедија висока предност за „топџиите“. Голот за утеха Челси го постигна преку Мадуеке во 65-тата минута.

Со овој триумф Арсенал се врати и на првата позиција на табелата со 78 бодови, но Манчестер Сити има 76 бода и два натпревари помалку.