Денеска од фудбалскиот прволигашки клуб Работнички објавија дека нивни нов играч е 34-годишниот играч од средниот ред, Арменд Алими.

Во есенскиот дел ги бранеше боите на Шкендија во чии бои запиша вкупно девет настапи во македонскиот шампионат.

Пред да се пресели во Тетово, играше во кариерата за Башкими, Милано Куманово, Истра 1961, Оребро, Неа Саламис и Ермис Арадипу.

Вкупно 14 пати настапуваше за сениорската репрезентација на Македонија.

„Романтичарите“ после 18 одиграни кола во првенството се наоѓаат на осмото место со 22 бодови.