Фудбалската репрезентација на Аргентина обезбеди пласман на Светското првенство во Катар, откако во рамките од јужноамериканските квалификации ремизираше со Бразил 0:0.

Двократните светски шампиони ја продолжија серијата без пораз на 27 меча и станаа 13 учесник на следниот Мундијал.

Уште од претходно Бразилците го обезбедија местото на СП, Еквадор е многу блиску до остварувањето на целта по победата против Чиле 1:0, на четвртата и петтата позиција се Колумбија и Перу, а зад нив се Чиле и Уругвај.

Од Јужна Америка директно одат четири репрезентации на Светското првенство, додека петтата ќе игра интерконтинентален бараж.

Покрај Бразил и Аргентина, и домаќинот Катар, пласман на Мундијалот обезбедија досега уште 10 селекции од Европа – Данска, Германија, Франција, Белгија, Хрватска, Шпанија, Србија, Англија, Швајцарија и Холандија.